VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

14 Крс 2020

Дабрачынны музычны анлайн-марафон у падтрымку медыкаў пройдзе 16 красавіка

Дабрачынны музычны анлайн-марафон у падтрымку медыкаў пройдзе 16 красавіка
Navi Band. Фота з архiва

14 красавіка, Мінск /Кар. БЕЛТА/. Дабрачынны музычны анлайн-марафон "Дабро" пройдзе 16 красавіка ў падтрымку беларускіх медыкаў, а менавіта - для збору ахвяраванняў на закупку і вытворчасць сродкаў аховы, паведамілі БЕЛТА арганізатары.

"Медыкі, якія цяпер на перадавой барацьбы з пандэміяй, востра маюць патрэбу ў ахоўных сродках. Яны ж рызыкуюць кожны дзень, клапоцячыся пра нас з вамі. Мы хочам праз творчасць заклікаць людзей не заставацца ўбаку. А таксама падарыць 10 гадзін музыкі тым, хто ратуе жыцці ў час эпідэміі каранавіруса", - растлумачылі арганізатары.

З 10.00 да 20.00 сваёй творчасцю ў падтрымку медыкаў падзеляцца Navi Band, Аня Шаркунова, VAL, Макс Лорэнс, Nuteki, UZARI, Litesound, Дзіма Камінскі, HOMIE, ARSI, КейСі, Parade of Planets, Ягор Кан, Mikita, SOBOL, Lima Osta, Кірыл Гуд і іншыя.

Трансляцыя будзе даступна на сайце dobrolive.by, YouTube-канале Xiaomi Belarus, на старонках у сацыяльных сетках арганізатараў. Праект ажыццяўляецца сумесна з фондам "Добра". Усе пералічэнні адрасна будуць накіраваны на закупку матэрыялаў і вытворчасць сродкаў аховы для медыкаў, пасля чаго валанцёры іх даставяць у беларускія бальніцы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход