Падзеі, факты, анонсы

Чэмпіёны пацвердзілі ўзровень: вядомы пераможцы забегаў і заплываў Мінскага трыятлона

25 ліпеня, Мінск /Кар. БЕЛТА/. У сталіцы вызначыліся пераможцы першага дня Міжнароднага Мінскага трыятлона, які сабраў удзельнікаў з 13 краін, паведамляе карэспандэнт БЕЛТА.

У першы дзень мерапрыемства адбыліся спаборніцтвы ў чатырох відах бегавой праграмы і на трох плавальных дыстанцыях. Забегі прайшлі каля аквапарка "Лябяжы", заплывы - на вадасховішчы Дразды. Дзве перамогі 25 ліпеня атрымала Аліна Сіневіч, якая тыдзень таму стала чэмпіёнкай Еўропы па акватлоне сярод моладзі. Сёння 22-гадовая беларуска выйграла забег "ЛэдзіРан" на тры кіламетры, пасля чаго першынствавала ў жаночым заплыве на 750 метраў.

Акрамя таго, у "ЛэдзіРан" 12-ы рэзультат паказала пераможца сусветнага форуму 2015 года ў бегу на 800 метраў Марына Арзамасава. У мужчын у бегу на 10 км золата ўзяў наваспечаны чэмпіён Беларусі на гэтай дыстанцыі Мікіта Чахоўскі. Таксама ў суботу адбыліся забегі на 5 км і 0,5 км (дзіцячы) і заплывы на 3 км і 5 км. Усяго суботнія старты Міжнароднага Мінскага трыятлона сабралі каля паўтары тысячы аматараў спорту.

26 ліпеня сталіца прыме спаборніцтвы па трыятлоне ў класічным фармаце (плаванне + велагонка + бег). У 05.00 на старт выйдуць удзельнікі на поўнай дыстанцыі Ironman, якія ўвогуле пераадолеюць 226 кіламетраў. Таксама заўтра вызначацца прызёры на спрынтарскай (25,75 км), алімпійскай (56,5 км) і "палавінчатай" (113 км) дыстанцыях. Маршруты веласіпедных заездаў пракладзены па праспекце Пераможцаў.

версія для друку

зрабіць стартавай

дабавіць у выбранае