У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

25 Крс 2018

Буквары на 587 мовах будуць прадстаўлены на выстаўцы ў Нацыянальнай бібліятэцы

25 красавіка, Мінск /Кар. БЕЛТА/. Каля 1 тыс. 400 буквароў на 587 мовах прадставіць міжнародная выстаўка "Буквары народаў свету", якая адкрыецца 26 красавіка ў Нацыянальнай бібліятэцы Беларусі, паведамілі карэспандэнту БЕЛТА ў НББ.

Выстаўка прымеркавана да знамянальнай даты - 400-годдзя выдання першай у свеце кнігі пад назвай "Буквар", якая была падрыхтавана беларусамі, расказалі ў НББ. Кожны з экспанатаў, а прадстаўлены выданні з Еўропы, Азіі, Амерыкі, Афрыкі, Аўстраліі і Акіяніі, з'яўляецца мініяцюрнай энцыклапедыяй, у якой у нагляднай і забаўляльнай форме падаюцца веды аб гісторыі, геаграфіі, культуры свайго народа.

Аснову экспазіцыі складае ўнікальная прыватная калекцыя буквароў і азбук латвійскага педагога, аўтара буквароў і кніг аб народах свету і іх мовах, калекцыянера Юрыса Цыбульса, якая налічвае звыш 10 тыс. выданняў больш як на 1 тыс. моў. Гэта буйнейшая такая калекцыя ў свеце.

Асаблівае месца на выстаўцы займаюць беларускія кнігі для навучання грамаце XVI-ХХI стагоддзяў з фондаў Нацыянальнай бібліятэкі Беларусі. Розныя па складзе, графіцы, мастацкім афармленні, педагагічных прыёмах навучання, яны дэманструюць 400-гадовую гісторыю беларускага буквара.

На вернісажы адбудзецца адкрыццё аб'ёмнага (2,3х3,1 м) памятнага знака, прысвечанага першаму "Буквару".

Выстаўка арганізавана пры ўдзеле пасольства Латвіі ў Беларусі, пасольства Беларусі ў Латвіі, праекта мабільнасці Еўрапейскага саюза "MOST".

Выстаўка будзе працаваць у Музеі кнігі да верасня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску