Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

26 Jan 2017

Брэст падаў заяўкі на правядзенне ў 2018 годзе першынстваў Еўропы па водным пола і веславанні

26 студзеня, Брэст /Аляўціна Чарнаволава - БЕЛТА/. Прэстыжныя спартыўныя спаборніцтвы еўрапейскага ўзроўню могуць прайсці ў Брэсце ў 2018 годзе, паведаміў карэспандэнту БЕЛТА начальнік упраўлення спорту і турызму аблвыканкама Мікалай Глушэня.

"Уся неабходная інфраструктура ў Брэсце ёсць. Мы праводзім нямала міжнародных спаборніцтваў, але спрабуем прыняць турніры і больш высокага ўзроўню. У прыватнасці, на 2018 год пададзены заяўкі на правядзенне чэмпіянатаў Еўропы па водным пола, а таксама па акадэмічным веславанні, - расказаў Мікалай Глушэня.

Так, у Еўрапейскую лігу плавання накіравана заяўка на правядзенне ў Брэсце фіналу чэмпіянату Еўропы па водным пола сярод юнакоў 1999 года нараджэння. Экспертная камісія разгледзіць прапанову беларускага боку, у тым ліку палац водных відаў спорту павінен прайсці атэстацыю па міжнародных патрабаваннях. На падрыхтоўчыя мерапрыемствы з абласнога бюджэту будзе накіравана каля Br550 тыс. Плануецца набыць спартыўнае абсталяванне для спаборніцтваў па водным пола і сінхронным плаванні, пакрыццё для басейнаў, а таксама мадэрнізаваць сістэму вентыляцыі.

Таксама Брэст плануе пазмагацца за права правядзення ў 2018 годзе маладзёжнага чэмпіянату Еўропы па акадэмічным веславанні. Брастаўчане ўжо маюць вопыт правядзення такіх спаборніцтваў. У 2010 годзе абласны цэнтр паспяхова прыняў чэмпіянат свету па акадэмічным веславанні сярод спартсменаў ва ўзросце да 23 гадоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі