У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Крс 2016

Брэст і Мінск прымуць Кубак Садружнасці па хакеі на траве

11 красавіка, Брэст /Аляўціна Чарнаволава - БЕЛТА/. У Брэсце з 15 па 17 красавіка пройдзе першы этап Кубка Садружнасці-2016 па хакеі на траве сярод мужчынскіх каманд, паведаміў карэспандэнту БЕЛТА старшы трэнер брэсцкага хакейнага клуба "Будаўнік" Віктар Стасюк.

У гэтым годзе міжнародны турнір пройдзе ў два туры. Першы этап прыме Брэст, гульні другога этапу адбудуцца ў Мінску ў жніўні. Кубак Садружнасці-2016 разыграюць каманды з Беларусі, Расіі, Украіны і Казахстана. Так, за перамогу будуць змагацца брэсцкі "Будаўнік", ХК "Мінск", "Дынама-Электрасталь", ПХК "Бесарыс" і вінніцкая "АКС-ШВСМ".

Удзельнікі спаборніцтваў згуляюць паміж сабой па схеме "кожны з кожным". Паядынкі пройдуць на дамашняй аднайменнай арэне брэсцкай дружыны - стадыёне "Будаўнік".

У гэтым сезоне беларускія клубы выступяць і ў прэстыжных еўрапейскіх турнірах. Так, чэмпіён 2015 года "Мінск" пазмагаецца за медалі ў розыгрышы Кубка чэмпіёнаў па хакеі на траве ў дывізіёне "Трофі". Права згуляць у турніры рангам ніжэй дабіўся ўладальнік Кубка Беларусі - брэсцкі "Будаўнік". Вядома, што Кубак еўрапейскіх чэмпіёнаў (Чэлендж 1) пройдзе 13-16 мая ў сталіцы Аўстрыі Вене.

У астатні час каманды сканцэнтруюцца на выступленні ў чэмпіянаце Беларусі, які ў гэтым сезоне вырашана правесці па скарочанай схеме. Ужо ў сярэдзіне чэрвеня будзе вядомы чэмпіён краіны. Затым восенню айчынныя клубы разыграюць Кубак Беларусі па хакеі на траве.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску