Падзеі, факты, анонсы

Больш за 3,26 млн беларусаў прайшлі поўны курс вакцынацыі супраць COVID-19

Фота з архiва

16 снежня, Мінск /Кар. БЕЛТА/. Больш за 4 млн. 225 тыс. беларусаў атрымалі адну дозу вакцыны супраць COVID-19, з іх больш за 3 млн. 266 тыс. чалавек прайшлі поўны курс вакцынацыі, паведамляе БЕЛТА са спасылкай на прэс-службу Міністэрства аховы здароўя.

Міністэрства аховы здароўя таксама растлумачыла, чаму значна павялічылася колькасць людзей, якія завяршылі курс вакцынацыі. "У сувязі з тым, што частка грамадзян (больш за 108,1 тыс.) прышчэплена аднакампанентнай вакцынай, узрасла колькасць тых, хто ўваходзіць у агульную лічбу прайшоўшых поўны курс вакцынацыі", - адзначылі ў прэс-службе.

Пры гэтым у лік 4 млн 225 тыс. уваходзяць людзі, прышчэпленыя першай дозай "Спадарожніка V", першай дозай вакцыны Sinopharm і аднаразова "Спадарожнікам Лайт".

У лік 3 млн. 266 тыс. уваходзяць прышчэпленыя другой дозай "Спадарожніка V", другой дозай вакцыны Sinopharm і аднаразова "Спадарожнікам Лайт", растлумачылі ў Міністэрстве аховы здароўя.

версія для друку

зрабіць стартавай

дабавіць у выбранае