Падзеі, факты, анонсы

Больш за 2,1 тыс. спартсменаў пацвердзілі ўжо свой удзел у II Гульнях краін СНД

Фота з архiва

14 чэрвеня, Мінск /Кар. БЕЛТА/. У II Гульнях краін СНД пацверджаны ўжо ўдзел больш як 2,1 тыс. спартсменаў і амаль 700 членаў дэлегацый. Аб гэтым паведаміў намеснік прэм'ер-міністра Ігар Петрышэнка на сумесным пасяджэнні Палаты прадстаўнікоў і Савета Рэспублікі Нацыянальнага сходу Рэспублікі Беларусь, перадае карэспандэнт БЕЛТА.

"Адна з галоўных задач 2023 года - правядзенне ў Беларусі II Гульняў краін СНД, якія пройдуць з 4 па 14 жніўня ў 11 гарадах ва ўсіх абласцях і Мінску. Яны прадэманструюць удзельнікам і гасцям, што не толькі сталіца здольна прымаць вялікія спартыўныя мерапрыемствы, а спартыўная база розных гарадоў Беларусі адпавядае самым высокім стандартам", - сказаў Ігар Петрышэнка.

Падрыхтоўка да мерапрыемства знаходзіцца на завяршальным этапе, адзначыў віцэ-прэм'ер. "Пацверджаны ўдзел больш як 2100 спартсменаў і амаль 700 членаў дэлегацый. Упэўнены, што канчатковыя лічбы будуць вышэйшыя", - падкрэсліў ён.

"Правядзенне Гульняў - гэта таксама магчымасць прадэманстраваць турыстычныя магчымасці нашых рэгіёнаў", - дадаў Ігар Петрышэнка.

версія для друку

зрабіць стартавай

дабавіць у выбранае