Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

27 Oct 2022

Больш за 2 тыс. экспанатаў прадставяць на выставе ёлачных цацак у Нацыянальным гістарычным музеі

Больш за 2 тыс. экспанатаў прадставяць на выставе ёлачных цацак у Нацыянальным гістарычным музеі
Фота з архіва

27 кастрычніка, Мінск /Кар. БЕЛТА/. У Нацыянальным гістарычным музеі ўжо сёмы раз адкрыецца выстава "Музей ёлачных цацак". Аб гэтым БЕЛТА паведамілі ў аддзеле інфармацыйна-выставачнай работы ўстановы культуры.

На выставе, якую прадставяць у Нацыянальным гістарычным музеі, наведвальнікі змогуць убачыць больш за 2 тыс. экспанатаў з 70 краін свету. Гэта экспазіцыя - частка буйнейшай сусветнай калекцыі ёлачных цацак, якая штогод папаўняецца новымі прадметамі з розных дзяржаў. "У "Музеі ёлачных цацак" кожнае дзіця зможа акунуцца ў чароўную навагоднюю казку, а дарослы - вярнуцца ў далёкае дзяцінства. Экспазіцыя раскажа гісторыю стварэння шкляных шароў і іншых упрыгажэнняў з сярэдзіны XIX стагоддзя да нашых дзён. Наведвальнікі выставы азнаёмяцца з навагоднімі традыцыямі еўрапейскіх краін, а таксама Конга, Перу, Інданезіі, Новай Зеландыі і інш. Адным з акцэнтаў выставачнага праекта стане традыцыйны мініяцюрны інтэрактыўны калядны гарадок", - адзначылі ў Нацыянальным гістарычным музеі.

Госці выставы змогуць прагуляцца ўздоўж вітрын са старадаўнімі ўпрыгажэннямі для ёлак, крохкімі вінтажнымі цацкамі і адчуць цёплую сямейную атмасферу галоўнага зімовага свята. Магчыма, гэта для некага стане крыніцай натхнення для пошуку незвычайнага падарунка для блізкіх людзей, асабліва тых, хто калекцыяніруе ёлачныя шары і цацкі.

Для наведвальнікаў выставы будзе адкрыты фірменны магазін фабрыкі "Грай", якая з'яўляецца адным з арганізатараў праекта "Музей ёлачных цацак".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі