Падзеі, факты, анонсы

Больш гаварыць адзін пра аднаго. БЕЛТА і УзА падпісалі мемарандум аб абмене інфармацыяй

8 ліпеня, Мінск /Кар. БЕЛТА/. Беларускае тэлеграфнае агенцтва і Нацыянальнае інфармацыйнае агенцтва Узбекістана (УзА) падпісалі мемарандум аб абмене інфармацыяй, паведамляе БЕЛТА.

Бакі будуць абменьвацца аператыўнымі і дакладнымі інфармацыйнымі матэрыяламі на рускай і англійскай мовах аб актуальных падзеях унутранага і міжнароднага жыцця сваіх краін. Агенцтвы будуць цесна супрацоўнічаць у арганізацыі і забеспячэнні інфармацыйнай падтрымкі візітаў кіраўнікоў дзяржаў, афіцыйных дэлегацый, а таксама іншых міждзяржаўных акцый і мерапрыемстваў, праводзімых на тэрыторыі Беларусі і Узбекістана.

Акрамя таго, БЕЛТА і УзА зацікаўлены праводзіць абмен журналістамі і фотакарэспандэнтамі з мэтай вывучэння перадавога вопыту і павышэння іх кваліфікацыі.

версія для друку

зрабіць стартавай

дабавіць у выбранае