VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Крс 2020

Белтэлерадыёкампанія прыме ўдзел у праекце ЕВС "Еўрабачанне: Europe Shine a Light"

Белтэлерадыёкампанія прыме ўдзел у праекце ЕВС
Фота eurovision.tv

13 красавіка, Мінск /Кар. БЕЛТА/. Белтэлерадыёкампанія прыме ўдзел у тэлевізійным праекце Еўрапейскага вяшчальнага саюза "Еўрабачанне: Europe Shine a Light". Шоу стане альтэрнатывай фіналу адмененага конкурсу песні "Еўрабачанне", паведаміла карэспандэнту БЕЛТА кіраўнік прэс-службы медыяхолдынга Святлана Смалонская-Краскоўская.

"Рашэнне аб адмене конкурсу песні "Еўрабачанне-2020" у Ратэрдаме ў яго прывычным фармаце было прынята ЕВС у сувязі з цяжкай эпідэміялагічнай сітуацыяй у свеце. Замест гэтага тэлегледачоў чакае асаблівае шоу без конкурснага спаборніцкага прынцыпу. У прамым эфіры з дапамогай відэапаштовак пераможцы і зоркі "Еўрабачання" розных гадоў, а таксама артысты адмененага конкурсу звернуцца да свету са словамі падтрымкі і падзякі, прадставяць найбольш яркія 30-секундныя фрагменты сваіх конкурсных кампазіцый і выканаюць агульную песню. Прынята рашэнне, што ад Беларусі ўдзел у праекце "Еўрабачанне: Europe Shine a Light" прыме пераможца нацыянальнага адбору на "Еўрабачанне-2020" - група VAL", - расказала Святлана Смалонская-Краскоўская.

Двухгадзіннае тэлешоу "Еўрабачанне: Europe Shine a Light" будзе трансліравацца ў прамым эфіры з тэлестудыі ў Нідэрландах. Вядучыя Шанталь Янзен, Эдсілія Рамблі і Ян Сміт прадставяць тэлемасты з краінамі-ўдзельніцамі і артыстамі і змогуць устанавіць кантакт з мільёнамі гледачоў па ўсім свеце. "У час, калі людзі па ўсёй Еўропе і за яе межамі далёкія ад сяброў, сваякоў і сваіх каханых, кранальная, абнадзейлівая тэлепраграма можа аб'яднаць 41 краіну. З яе дапамогай мы аддадзім даніну павагі людзям, якія пацярпелі ад каранавіруса, і тым, хто змагаецца з ім", - гавораць арганізатары тэлевізійнага шоу.

У прамым эфіры на "Беларусь 1" праграма "Еўрабачанне: Europe Shine a Light" выйдзе 16 мая ў 22.00. Каменціраваць шоу будзе Яўген Перлін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход