Падзеі, факты, анонсы

БЕЛТА і ІРНА ў прысутнасці кіраўнікоў дзяржаў заключылі новы мемарандум аб супрацоўніцтве

20 жніўня, Мінск /Кар. БЕЛТА/. Беларускае тэлеграфнае агенцтва (БЕЛТА) і Інфармацыйнае агенцтва Ісламскай Рэспублікі Іран (ІРНА) у прысутнасці кіраўнікоў дзяржаў перападпісалі мемарандум аб узаемаразуменні і супрацоўніцтве, паведамляе БЕЛТА.

Подпісы пад дакументам паставілі генеральныя дырэктары агенцтваў Ірына Акуловіч і Хасейн Джаберы Ансары.

Бакі будуць абменьвацца аператыўнымі і дакладнымі інфармацыйнымі паведамленнямі і фотаматэрыяламі. Агенцтвы стануць больш цесна супрацоўнічаць у арганізацыі і інфармацыйным суправаджэнні візітаў кіраўнікоў дзяржаў і афіцыйных дэлегацый Беларусі і Ірана, а таксама іншых міждзяржаўных мерапрыемстваў, якія праводзяцца ў дзвюх краінах. Акрамя таго, абазначана зацікаўленасць у абмене вопытам і ўзаемных стажыроўках журналістаў і фотакарэспандэнтаў.

"БЕЛТА актыўна адсочвае парадак дня Ірана, на нашай стужцы можна бачыць інфармацыйныя паведамленні аб тых ці іншых падзеях, якія адбываюцца ў гэтай краіне, - адзначыла Ірына Акуловіч. - Упэўнена, што з падпісаннем мемарандума наша ўзаемадзеянне стане больш актыўным, жыхары Беларусі і Ірана стануць бліжэй і змогуць больш даведацца адзін пра аднаго".

версія для друку

зрабіць стартавай

дабавіць у выбранае