Падзеі, факты, анонсы

Бельгія, Уэльс, Чэхія і Эстонія - сапернікі беларусаў у кваліфікацыі футбольнага ЧС-2022

Фота з архiва

8 снежня, Мінск /Кар. БЕЛТА/. У швейцарскім Цюрыху прайшла жараб'ёўка еўрапейскага адборачнага турніру футбольнага чэмпіянату свету 2022 года, паведамляе карэспандэнт БЕЛТА.

Зборная Беларусі трапіла ў кваліфікацыйную групу Е разам з камандамі Бельгіі, Чэхіі, Уэльса і Эстоніі.

Склады астатніх груп: 

А - Партугалія, Сербія, Ірландыя, Люксембург, Азербайджан.

В - Іспанія, Швецыя, Грэцыя, Грузія, Косава.

С - Італія, Швейцарыя, Паўночная Ірландыя, Балгарыя, Літва.

D - Францыя, Украіна, Фінляндыя, Боснія і Герцагавіна, Казахстан.

F - Данія, Аўстрыя, Шатландыя, Ізраіль, Фарэрскія астравы, Малдова.

G - Нідэрланды, Турцыя, Нарвегія, Чарнагорыя, Латвія, Гібралтар.

H - Харватыя, Славакія, Расія, Славенія, Кіпр, Мальта.

I - Англія, Польшча, Венгрыя, Албанія, Андора, Сан-Марына.

J - Германія, Румынія, Ісландыя, Паўночная Македонія, Албанія, Ліхтэнштэйн.

Напрамую ў фінальную стадыю сусветнага першынства выйдуць пераможцы дзесяці груп. Каманды, якія фінішуюць другімі, а таксама дзве лепшыя зборныя з Лігі нацый паспрачаюцца яшчэ за тры пуцёўкі ў фінальную частку чэмпіянату планеты, якая пройдзе ў Катары.

Плануецца, што фінальны турнір пройдзе з 21 лістапада па 18 снежня 2022 года на васьмі стадыёнах пяці катарскіх гарадоў. За ўзнагароды сусветнага футбольнага форуму паспрачаюцца 32 каманды з усіх кантынентаў планеты. Вырашальны паядынак за чэмпіёнскі тытул намечана правесці на полі Нацыянальнага стадыёна ў Лусаіле.

На папярэднім чэмпіянаце свету ў Расіі-2018 золата заваявала зборная Францыі, якая абыграла ў фінале футбалістаў Харватыі з лікам 4:2. У матчы за трэцяе месца бельгійцы перамаглі каманду Англіі з рэзультатам 2:0. Зборная Беларусі яшчэ ні разу не трапляла ў лік удзельнікаў фінальных турніраў чэмпіянатаў свету і Еўропы.

версія для друку

зрабіць стартавай

дабавіць у выбранае