Падзеі, факты, анонсы

29 жніўня, Мінск /Кар. БЕЛТА/. Белдзяржцырк правядзе 8 верасня дзень адкрытых дзвярэй, паведаміла сёння журналістам начальнік упраўлення культуры Мінгарвыканкама Віталіна Рудзікава, перадае карэспандэнт БЕЛТА.

У фае будзе працаваць выстаўка, прысвечаная гісторыі цырка, адкрыюцца інтэрактыўныя зоны. "Можна будзе паглядзець палотны, на якіх лятаюць паветраныя гімнасты, і даведацца, якую вагу мае гіра. Убачыць усё тое, з чым працуюць артысты на арэне цырка", - расказала Віталіна Рудзікава.

Мерапрыемства пройдзе ў час святкавання Дня горада. Таксама цікавую культурную праграму прапануюць раённыя адміністрацыі, заапарк, Батанічны сад, Лошыцкі сядзібна-паркавы комплекс. У Верхнім горадзе пройдуць вясельныя цырымоніі, мерапрыемствы праекта "Мінск - горад прыгажосці".