У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

14 Снж 2015

"Белавія" не бачыць падстаў для адмены рэйсаў у Турцыю

14 снежня, Мінск /Таццяна Іванюк - БЕЛТА/. "Белавія" не бачыць падстаў для адмены рэйсаў у Турцыю. Аб гэтым сёння журналістам паведаміў намеснік генеральнага дырэктара па маркетынгу і знешнеэканамічнай дзейнасці ААТ "Авіякампанія "Белавія" Ігар Чаргінец, перадае карэспандэнт БЕЛТА.

"У нас няма ніякіх падстаў для адмены рэйсаў у Турцыю. Мы як выконвалі, так і выконваем рэгулярныя рэйсы ў Стамбул", - сказаў намеснік кіраўніка авіякампаніі.

З надыходам летняга сезона, дадаў ён, "Белавія" прадоўжыць чартарныя палёты ў турэцкія гарады, у тым ліку ў Анталью, Ізмір.

Авіякампанія "Белавія" прыпыніла з 10 снежня выкананне рэйсаў у Шарм-эль-Шэйх (Егіпет) па камерцыйных прычынах. Раней гендырэктар авіякампаніі Анатоль Гусараў растлумачыў: "Мы прынялі гэта рашэнне, зыходзячы з заявак нашых партнёраў - турфірм, якія фарміруюць групы ў гэтым напрамку. Жадаючых адпачываць у Шарм-эль-Шэйху стала значна менш". Лятаць у Хургаду беларускі авіяперавозчык прадаўжае ў тым аб'ёме, які быў запланаваны.

"Белавія" з'яўляецца буйным авіяперавозчыкам Беларусі, вядучым грузавым. У канцы студзеня 2014 года пачала работу ў юрыдычным статусе адкрытага акцыянернага таварыства. Авіякампанія, у флоце якой 27 самалётаў, выконвае ўласныя рэгулярныя рэйсы ў 46 аэрапортаў 28 краін Еўропы, СНД і Азіі. З 1997 года "Белавія" - правадзейны член Міжнароднай асацыяцыі паветранага транспарту (IATA), з 2010-га - член Асацыяцыі еўрапейскіх рэгіянальных авіякампаній (ERAA). Прырост пасажырскіх перавозак авіякампаніі па выніках дзевяці месяцаў бягучага года склаў 4 працэнты ў параўнанні з аналагічным перыядам 2014-га.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс