2 чэрвеня, Мінск /Кар. БЕЛТА/. Беларускія спартсмены вяртаюцца з адной узнагародай вышэйшай пробы з чэмпіянату Еўропы, які завяршыўся ў Бялградзе, паведамляе карэспандэнт БЕЛТА.
У сербскай сталіцы чэмпіёнам кантынента стаў экіпаж чацвёркі парнай у складзе Кацярыны Карстэн, Юліі Бічак, Таццяны Кухты і Кацярыны Шлюпскай, які паказаў рэзультат 6 мін. 14,640 сек. Сярэбраным прызёрам стала каманда Германіі (6 мін. 15,380 сек.), а бронза ў актыве польскага экіпажа (6 мін. 17,810 сек.).
У спаборніцтвах мужчын бліжэй за ўсіх да п'едэстала гонару быў Станіслаў Шчарбачэня, які заняў 4-е месца ў заездзе лодак-адзіночак з рэзультатам 7 мін. 01,660 сек. Чэмпіёнам Еўропы ў гэтай намінацыі стаў чэшскі вясляр Ондржэй Сынек (6 мін. 54,950 сек.), серабро ў нямецкага спартсмена Марселя Хакера (6 мін. 56,120 сек.), а бронзавым прызёрам стаў літовец Міндаўгас Грысконіс (7 мін. 00,330 сек.).
Пн | Аўт | Сер | Чцв | Пт | Сб | Нядз |
---|