Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

21 Ліп 2017

Беларусы выступяць у дзевяці відах спорту на Еўрапейскім юнацкім алімпійскім фестывалі

У Нацыянальным алімпійскім камітэце Беларусі адбылася ўрачыстая цырымонія праводзін юных атлетаў на Еўрапейскі юнацкі алімпійскі фестываль21 ліпеня, Мінск /Кар. БЕЛТА/. Беларускія атлеты выступяць у дзевяці відах спорту на летнім Еўрапейскім юнацкім алімпійскім фестывалі, які з 23 па 30 ліпеня пройдзе ў венгерскім Дзьёры, паведамілі карэспандэнту БЕЛТА ў прэс-службе НАК.

Сёння ў Нацыянальным алімпійскім камітэце Беларусі адбылася ўрачыстая цырымонія праводзін юных атлетаў на спартыўны форум. У мерапрыемстве прынялі ўдзел кіраўнікі НАК, прадстаўнікі Міністэрства спорту і турызму і генеральнага спонсара НАК Белаграпрамбанка.

Беларуская дэлегацыя ў 2017 годзе будзе самай шматлікай за ўсю гісторыю ўдзелу краіны ў летніх ЕЮАФ: 96 маладых атлетаў паспаборнічаюць за медалі ў дзевяці розных дысцыплінах. Упершыню на фестывалі Беларусь будуць прадстаўляць адразу дзве жаночыя каманды па гульнявых відах спорту - валейболе (U-18) і баскетболе (U-16).

Першы віцэ-прэзідэнт НАК Андрэй Асташэвіч падкрэсліў, што ўсе балельшчыкі вераць у кожнага спартсмена і задача - змагацца за кожны сантыметр, кожную секунду і паказаць свой лепшы асабісты рэзультат.

Капітанам беларускай каманды на ЕЮАФ будзе лёгкаатлет Аляксей Александровіч, які ў Дзьёры выступіць у штурханні ядра.

Кожнаму юнаму спартсмену ад Белаграпрамбанка быў уручаны талісман беларускай каманды Агрык.

У Нацыянальным алімпійскім камітэце Беларусі адбылася ўрачыстая цырымонія праводзін юных атлетаў на Еўрапейскі юнацкі алімпійскі фестывальЛетні ЕЮАФ у Венгрыі пройдзе па дзесяці відах спорту: баскетболе, веласпорце, гандболе, гімнастыцы, валейболе, дзюдо, лёгкай атлетыцы, плаванні, тэнісе і веславанні на байдарках і каноэ. Арганізатары абяцаюць ператварыць спаборніцтвы ў сапраўднае свята, якое падорыць шмат незабыўных уражанняў усім яго ўдзельнікам і натхніць атлетаў на новыя здзяйсненні.

Усяго на дванаццаці летніх фестывалях беларусамі заваявана 79 узнагарод (21 залатая, 21 сярэбраная і 37 бронзавых).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс