Падзеі, факты, анонсы

Беларусы Гнедчык і Чуешкоў заваявалі золата ў эстафеце на ЧС-U19 па пяцібор'і

Аляксандр Чуешкоў і Акім Гнедчык. Фота Мінспорту

24 жніўня, Мінск /Кар. БЕЛТА/. Беларускія спартсмены выйгралі чарговае золата на першынстве свету па сучасным пяцібор'і ў Мадрыдзе сярод юнакоў і дзяўчат да 15 і да 19 гадоў, паведамляе карэспандэнт БЕЛТА.

У панядзелак, 24 жніўня, у іспанскай сталіцы адбылася эстафета ў юнакоў да 19 гадоў. Лепшы рэзультат сярод 18 дуэтаў паказалі нашы Акім Гнедчык і Аляксандр Чуешкоў, якія ў суме за ўсе віды праграмы набралі 1447 ачкоў. На фінішы беларусы на 11 секунд апярэдзілі ўкраінцаў і на 34 секунды - турак. Напярэдадні ў гэтым жа відзе праграмы нашы Ніколь Гулевіч і Паліна Бубнова замкнулі пяцёрку мацнейшых.

Раней малодшы брат Акіма Гнедчыка Клім стаў двухразовым чэмпіёнам свету ў эстафетах сярод юнакоў да 15 гадоў, а сёння старэйшая сястра хлопцаў Марыя Гнедчык заваявала эстафетнае золата дарослага планетарнага форуму ў Кітаі. Першынство свету-U15/U19 у Мадрыдзе прадоўжыцца да 28 жніўня, далей удзельнікі вызначаць лепшых у асабістым заліку. На гэты момант у беларускай каманды ўжо чатыры залатыя медалі.

версія для друку

зрабіць стартавай

дабавіць у выбранае