8 жніўня, Мінск /Кар. БЕЛТА. На Нацыянальным алімпійскім стадыёне "Дынама" падыходзяць да канца спаборніцтвы па лёгкай атлетыцы ў рамках II Гульняў краін СНД, паведамляе карэспандэнт БЕЛТА.
Праграму заключнага дня спаборніцтваў на стадыёне "Дынама" адкрылі фінальныя старты на дыстанцыі 600 м у юнакоў і дзяўчат. У вырашальным забегу сярод юнакоў трэцім фінішаваў наш Андрэй Літвіновіч, апярэдзіць беларуса здолелі расіянін Мікіта Папоў і Дзмітрый Спаскі з Казахстана. Усяго на дарожку выйшлі 12 спартсменаў.
У фінале сярод дзяўчат два першыя месцы занялі прадстаўніцы Расіі Кацярына Іванова і Аляксандра Архангельская. Трэцяй да фінішу прыйшла беларуская спартсменка Уладзіслава Траццякова. Удзел у барацьбе за медалі тут прынялі 16 лёгкаатлетак.
У апошні дзень спаборніцтваў па лёгкай атлетыцы на II Гульнях краін СНД будзе разыграна яшчэ 7 камплектаў медалёў.