У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Ліс 2017

"Беларускую Прагу" пакажуць на фотавыстаўцы ў Гомелі

9 лістапада, Гомель /Кар. БЕЛТА/. У карціннай галерэі Г.Х.Вашчанкі Гомеля сёння адкрываецца выстаўка мінскай фотамастачкі Юліі Мацкевіч "Беларуская Прага", прысвечаная 500-годдзю выдання Францыскам Скарынам Бібліі ў чэшскай сталіцы, паведамілі карэспандэнту БЕЛТА ва ўстанове культуры.

Вясной і летам бягучага года выстаўку можна было ўбачыць у Мінску і Віцебску, цяпер яна дабралася да Гомеля. У экспазіцыю ўвайшлі амаль 50 работ мінскага фатографа. Яны раскажуць не толькі аб архітэктурнай прыгажосці Прагі, але і аб яе шматвяковай прывабнасці для беларусаў. "На здымках наведвальнікі ўбачаць дамы, у якіх жылі оперны спявак з беларускімі каранямі сусветнага ўзроўню Міхась Забэйда-Суміцкі, пісьменнік Васіль Быкаў, месцы так званага Літоўскага калегіума. А беларускаму першадрукару Францыску Скарыну будзе прысвечана цэлая фатаграфічная гісторыя", - расказалі ў галерэі.

Выстаўка арганізавана пры падтрымцы пасольства Чэшскай Рэспублікі ў Мінску. У Гомелі яна прадоўжыцца па 3 снежня.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс