Падзеі, факты, анонсы

Беларускія студэнты сталі прызёрамі міжнароднага конкурсу прафесійнага майстэрства ў Пекіне

Фота edu.gov.by

8 ліпеня, Мінск /Кар. БЕЛТА/. Беларускія студэнты сталі прызёрамі міжнароднага конкурсу прафесійнага майстэрства ў Пекіне. Аб гэтым БЕЛТА паведамілі ў Міністэрстве адукацыі Беларусі.

"У Пекіне прайшоў II міжнародны конкурс прафесійнага майстэрства "Майстры Шаўковага шляху" сярод Пекінскіх устаноў прафесійнай адукацыі і ўстаноў адукацыі краін шаўковага шляху. Арганізатарамі конкурсу выступілі Пекінскі камітэт адукацыі і Пекінская міжнародная адукацыйная і культурная кампанія WECO. Рэспубліканскі інстытут прафесійнай адукацыі ў рэжыме анлайн арганізаваў удзел у конкурсе для прадстаўнікоў беларускіх устаноў адукацыі. У маштабным мерапрыемстве спаборнічалі больш за 800 чалавек, уключаючы канкурсантаў з Кітая, Беларусі, Казахстана і Расіі", - расказалі ў Міністэрстве адукацыі.

Прадстаўнікі Беларусі прынялі ўдзел у спаборніцтвах па пяці кампетэнцыях і прадэманстравалі высокі ўзровень майстэрства. У кампетэнцыі "Поварская справа" першае месца заняла студэнтка Беларускага дзяржаўнага ўніверсітэта харчовых і хімічных тэхналогій Алена Полесава. Другое месца заняла студэнтка той жа навучальнай установы Кацярына Грыб.

У кампетэнцыі "Кандытарская справа" ўзнагароду "Асаблівае прызавое месца", якая прысуджвалася лепшаму з лепшых па прафесіі прысудзілі студэнтцы Магілёўскага дзяржаўнага тэхналагічнага каледжа Караліне Гарбачовай. Удзельнікі, якія занялі "Асаблівае прызавое месца", набралі найбольшую колькасць балаў і выйгралі галоўны прыз - бясплатную гадавую стажыроўку ў Кітаі.

У кампетэнцыі "Графічны дызайн" тры прызавыя месцы занялі студэнты Гуманітарнага каледжа Гродзенскага дзяржаўнага ўніверсітэта імя Я.Купалы Юлія Гайко, Кацярына Хведчына і Маргарыта Траскевіч.

У кампетэнцыі "Барыста" першае месца падзялілі студэнт Мінскага дзяржаўнага лінгвістычнага ўніверсітэта Чан Тху Ха і навучэнец Беларускага дзяржаўнага ўніверсітэта харчовых і хімічных тэхналогій Максім Квяткоўскі.

У кампетэнцыі "Дашкольная адукацыя" канкурсанты выконвалі заданні па двух модулях.

У модулі "Выяўленчае мастацтва" першае месца падзялілі студэнтка Мінскага гарадскога педагагічнага каледжа Ганна Казырыцкая і студэнтка Гродзенскага дзяржаўнага ўніверсітэта імя Я.Купалы Вікторыя Камека. Другое месца заняла студэнтка Мінскага гарадскога педагагічнага каледжа Надзея Віняцкая і студэнтка Гродзенскага дзяржаўнага ўніверсітэта імя Я.Купалы Аляксандра Сергіт. Трэцяе месца занялі студэнт Мінскага гарадскога педагагічнага каледжа Іван Ерашэвіч і навучэнка Гродзенскага дзяржаўнага ўніверсітэта імя Я.Купалы Хрысціна Шышко.

У модулі "Вакальнае выкананне" першае месца заняла Вікторыя Камека. Другое месца падзялілі Аляксандра Сергіт і Надзея Віняцкая. Трэцяе месца - Ганна Казырыцкая і Іван Ерашэвіч.

версія для друку

зрабіць стартавай

дабавіць у выбранае