Падзеі, факты, анонсы

Беларускія спартсмены заваявалі пяць узнагарод на этапе Кубка нацый па велатрэку ў Ганконгу

Фота НАК Беларусі

17 мая, Мінск /Кар. БЕЛТА/. У Ганконгу завяршыўся этап Кубка нацый па веласпорце на трэку. Па выніках турніру беларускія гоншчыкі заваявалі пяць узнагарод, паведамілі БЕЛТА ў прэс-службе НАК Беларусі.

Залатыя медалі ў актыве Таццяны Шараковай і Яўгена Каралька ў скрэтчы і Ганны Церах, якая вызначылася ў індывідуальнай гонцы праследавання.

Серабро для беларускай каманды заваяваў Яўген Каралёк у дысцыпліне омніум. Бронзавая ўзнагарода ў індывідуальнай гонцы праследавання ў Іны Савенка.

У жаночым мэдысане беларуская каманда ўзнялася на другую прыступку п'едэстала.

Апошні этап Кубка нацый гэтага сезона пройдзе ў Калі (Калумбія) з 3 па 6 чэрвеня 2021 года.

Перад Гульнямі ў Токіа Мінск 23-27 чэрвеня прыме чэмпіянат Еўропы па веласпорце на трэку, на якім плануюць выступіць усе мацнейшыя гоншчыкі.

версія для друку

зрабіць стартавай

дабавіць у выбранае