У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

26 Крс 2016

Беларускія рэканструктары праплывуць на ладдзі па Нёмане да Балтыкі

26 красавіка, Віцебск /Кацярына Князева - БЕЛТА/. Каманда рэканструктараў эпохі вікінгаў з усёй Беларусі ў маі адправіцца на драўлянай ладдзі ў водны паход па Нёмане да Балтыйскага мора, паведаміў карэспандэнту БЕЛТА адзін з удзельнікаў паходу, член віцебскага клуба гістарычнай рэканструкцыі і мадэлявання "Нагльфар" Арцём Ляшчына.

"На рэканструяваных ладдзях, або дракарах, ужо рабіліся паходы, але не на такія доўгія дыстанцыі. Ва ўсякім разе, у краінах СНД. Эпічнасці падзеі надае і тое, што будзе выхад па рацэ ў мора. Мы паспрабуем. Ужо сабрана каманда з 13 чалавек з розных клубаў Беларусі, у тым ліку тры чалавекі з Віцебска, але патрэбны яшчэ тры весляры", - растлумачыў Арцём Ляшчына.

Плануецца, што стартуюць падарожнікі 15 мая з Гродна, куды спачатку з Нясвіжа даставяць карабель вікінгаў "Яцвяг". Гэта ладдзя, пабудаваная ў адпаведнасці з арыгіналам знаходкі Х стагоддзя для суднаходнага праекта "Спадарожны вецер". Дракар мае даўжыню 14 метраў і ўмяшчальнасць да 20 чалавек.

На працягу трох тыдняў падарожнікі разлічваюць дасягнуць Балтыйскага мора, па дарозе робячы прыпынкі, магчыма, арганізуючы паказальныя праграмы для гледачоў. "Паход будзе ў гістарычным адзенні, а з узбраення - мячы, сякеры. На стаянках будзем разбіваць шатры на каркасе з вёслаў. Увогуле, усё сурова і гістарычна", - дадаў Арцём Ляшчына.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску