Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Sep 2019

Беларускія лёгкаатлеты заваявалі тры ўзнагароды на міжнародных спаборніцтвах у Берліне

Беларускія лёгкаатлеты заваявалі тры ўзнагароды на міжнародных спаборніцтвах у Берліне
Максім Недасекаў і Дзмітрый Набокаў. Фота БФЛА

2 верасня, Мінск /Кар. БЕЛТА/. Беларускія спартсмены заваявалі тры ўзнагароды на спаборніцтвах па лёгкай атлетыцы ISTAF Berlin 2019, якія прайшлі 1 верасня, паведамляе карэспандэнт БЕЛТА.

Спаборніцтвы праводзіліся на "Алімпіяштадыёне". У скачках у вышыню на другую прыступку п'едэстала гонару ўзняўся беларус Максім Недасекаў, ён пакарыў вышыню 2,28 м. Бронзавым прызёрам з такім жа рэзультатам стаў яго партнёр па камандзе Дзмітрый Набокаў. Медаль вышэйшай пробы заваяваў немец Матэвуш Пшыбылка (2,30 м).

На трэцюю прыступку п'едэстала гонару ў скачках у даўжыню паднялася беларуска Настасся Мірончык-Іванова. Яе рэзультат - 6,63 м. Перамогу ў гэтай дысцыпліне атрымала немка Малайка Міхамба (6,99 м). Другое месца заняла Алена Сакалова, якая выступае пад нейтральным сцягам, - 6,65 м.

Наступны вялікі старт у беларускіх спартсменаў - лёгкаатлетычны матч Еўропа-ЗША, які пройдзе 9-10 верасня на мінскім стадыёне "Дынама".

Чакаецца, што ўдзел у спаборніцтвах прымуць каля 350 атлетаў. У праграму спаборніцтваў уключаны кіданне молата, кіданне кап'я, кіданне дыска, бег на 100 м, 100 м з бар'ерамі, 110 м з бар'ерамі, 200 м, 400 м, 400 м з бар'ерамі, 800 м, 1500 м, 3000 м, 3000 м з перашкодамі, эстафетны бег 4x100 м, змешаная эстафета (200-200-400-800 м), штурханне ядра, трайны скачок, скачкі ў вышыню, скачкі ў даўжыню, скачкі з шастом.

Правы на вяшчанне ўжо набылі тэлеканалы "Беларусь 5", Czech TV (Чэхія), DR (Данія), YLE (Фінляндыя), France TV (Францыя), BBC (Вялікабрытанія), MTV (Венгрыя), LT (Літва), TVP (Польшча), RTS (Сербія), SR (Швецыя), NBC (ЗША).

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі