Падзеі, факты, анонсы

Беларускія каманды сталі пераможцамі і прызёрамі чэмпіянатаў свету па пажарна-выратавальным спорце

Фота МНС

11 жніўня, Мінск /Кар. БЕЛТА/. Беларускія каманды сталі чэмпіёнамі і прызёрамі юнацкіх чэмпіянатаў свету па пажарна-выратавальным спорце, паведамілі БЕЛТА ў прэс-службе МНС.

XII Чэмпіянат свету сярод юнакоў і юніёраў і VIII Чэмпіянат свету сярод дзяўчат і юніёрак па пажарна-выратавальным спорце праходзілі з 3 па 9 жніўня ў Саранску.

У завяршальны спаборніцкі дзень беларускія каманды дзяўчат і юнакоў сталі чэмпіёнамі ў дысцыпліне "Баявое разварочваннне ад мотапомпы". Гэта перамога дазволіла спартсменкам з Беларусі заняць першы радок у агульнакамандным заліку і вярнуцца дадому з тытулам чэмпіёнаў свету. У беларускай зборнай юнакоў - серабро ў агульнакамандным заліку.

Як паведамлялася, удзельнікамі спаборніцтваў сталі каманды юнакоў і дзяўчат краін - членаў Міжнароднай спартыўнай федэрацыі пажарных і ратавальнікаў. Чэмпіянаты нацэлены на развіццё пажарна-выратавальнага спорту на міжнароднай арэне, папулярызацыю прафесіі пажарнага і выратавальніка сярод дзяцей і моладзі, умацаванне дружалюбных сувязей і абмен вопытам у падрыхтоўцы юных спартсменаў.

версія для друку

зрабіць стартавай

дабавіць у выбранае