Падзеі, факты, анонсы
Беларускія грацыі правядуць генеральную рэпетыцыю перад ЧЕ на этапе Кубка свету ў Італіі
10 красавіка, Мінск /Кар. БЕЛТА/. У Пезара (Італія) сёння стартуе 3-і этап Кубка свету па мастацкай гімнастыцы. Яго праграма прадоўжыцца па 12 красавіка. Для дарослых спартсменак, якія прадставяць Беларусь у асабістым першынстве, выступленне стане генеральнай рэпетыцыяй напярэдадні дамашняга чэмпіянату Еўропы, паведамілі карэспандэнту БЕЛТА ў Беларускай асацыяцыі гімнастыкі (БАГ).
Беларуская нацыянальная каманда выехала ў Італію поўным складам. Меліціна Станюта і Кацярына Галкіна паспаборнічаюць за ўзнагароды на кубкавым этапе ў індывідуальным мнагабор'і і асобных практыкаваннях з абручом, мячом, булавамі і стужкай.
Упершыню ў сезоне на турніры такога высокага ўзроўню выступіць і нацыянальная каманда ў групавых практыкаваннях, у якую ўвайшлі
Ксенія Чалдышкіна, Ганна Дудзянкова, Марыя Кадобіна, Марыя Кацяк, Валерыя Пішчэліна і Арына Цыцыліна. Тут беларускам таксама спачатку трэба будзе выканаць праграму мнагабор'я, і гэтыя спаборніцтвы стануць адборачнымі для выступлення ў асобных відах (5 стужак; 2 абручы, 6 булаў). Зборная Беларусі прапускала першы этап Кубка свету гэтага сезона, дзе праводзіліся спаборніцтвы "групавічак" з-за траўмаў адразу некалькіх членаў каманды.У час трэцяга этапу КС па мастацкай гімнастыцы таксама пройдуць сёмыя міжнародныя спаборніцтвы юніёрак "Citta di Pesaro". За яго ўзнагароды будуць спаборнічаць беларускія гімнасткі Ганна Бажко і Алена Балоціна. У групавых практыкаваннях з пяццю мячамі на дыван таксама выйдзе беларуская каманда. У яе складзе Настасся Рыбакова, Аліна Гарнасько, Аляксандра Саладуха, Ганна Швайба, Карына Ярмоленка і Маргарыта Авадзінская. Для юніёрскай каманды "групавічак" старты ў Пезара стануць аднымі з апошніх перад дамашнім чэмпіянатам Еўропы, які пройдзе ў Мінску 1-3 мая.
версія для друку
зрабіць стартавай
дабавіць у выбранае