Падзеі, факты, анонсы
Беларускія гімнасткі заваявалі два медалі на міжнародным турніры ў французскім Цье
27 сакавіка, Мінск /Кар. БЕЛТА/. Два медалі заваявалі беларускія прадстаўніцы мастацкай гімнастыкі на этап Гран-пры ў французскім Цье,паведамляе карэспандэнт БЕЛТА.
У індывідуальным мнагабор'і Кацярына Галкіна паднялася на другую прыступку п'едэстала гонару, атрымаўшы па суме чатырох практыкаванняў 71,800 бала. Пераможцай стала расіянка Дзіна Аверына - 74,500 бала. Трэцяе месца заняла яе сяброўка па камандзе Юлія Бравікова.
Другая беларуска Аліна Гарнасько ў індывідуальным мнагабор'і стала пятай (65,900 бала), але змагла заваяваць бронзавы медаль у асобных відах, удала выканаўшы кампазіцыю са стужкай - 18,200 бала. У гэтай жа дысцыпліне Кацярына Галкіна стала чацвёртай - 17,800 бала. Першае месца заняла Дзіна Аверына - 19,400 бала.
Для Кацярыны Галкінай у бягучым сезоне гэта ўжо не першы поспех. У лютым у Маскве на рэйтынгавым турніры "Гран-пры Масквы" яна заваявала тры бронзавыя ўзнагароды ў асобных практыкаваннях: з абручом, мячом і стужкай.
Бліжэйшым найбольш вялікім стартам беларускіх грацый стане этап Кубка свету, які з 12 па 16 красавіка пройдзе ў італьянскім Пезара.
версія для друку
зрабіць стартавай
дабавіць у выбранае