Падзеі, факты, анонсы

11 ліпеня, Мінск /Кар. БЕЛТА/. У Казані завяршыўся дзявяты этап Кубка свету па мастацкай гімнастыцы. У заключны дзень спаборніцтваў беларускія спартсменкі выйгралі сярэбраную ўзнагароду, паведамляе карэспандэнт БЕЛТА.

Зборная Беларусі ў складзе Ксеніі Чалдышкінай, Ганны Дудзянковай, Марыі Кадобінай, Валерыі Пішчэлінай, Арыны Цыцылінай у практыкаванні з шасцю булавамі і двума абручамі паказалі другі рэзультат. Суддзі ацанілі выступленне беларусак у 18,400 бала. Вышэй былі толькі прадстаўніцы Расіі - 18,600. Бронзавых узнагарод удастоіліся гімнасткі з Італіі - 18,300. У практыкаванні з пяццю стужкамі беларуская каманда на п'едэстал гонару не трапіла, размясціўшыся на восьмым месцы.

Раней на этапе Кубка свету айчынныя гімнасткі выйгралі чатыры медалі. У камандных спаборніцтвах у мнагабор'і беларускі сталі сярэбранымі прызёрамі. Тры ўзнагароды на рахунку Меліціны Станюты, якая ў асобных практыкаваннях стала сярэбраным прызёрам у выступленні са стужкай, двойчы лідар зборнай узнімалася на трэцюю прыступку п'едэстала гонару пасля выканання кампазіцый з мячом і булавамі.