4 мая, Мінск /Кар. БЕЛТА/.
Беларускія дыпламаты прынялі ўдзел у мітынгу-рэквіеме ў Бішкеку, паведамілі БЕЛТА ў пасольстве Беларусі ў Кыргызстане.Пасол Беларусі Андрэй Страчко і дыпламаты пасольства прынялі ўдзел у мітынгу-рэквіеме на брацкіх могілках "Кызыл Аскер" каля мемарыяльнага комплексу воінам, якія памерлі ад ран у ваенным шпіталі Бішкека ў гады Вялікай Айчыннай вайны.
У мерапрыемстве ўдзельнічалі мэр Бішкека Албек Ібраімаў, кіраўнікі дыпламатычных місій Казахстана, Узбекістана, прадстаўнікі пасольства Расіі, ветэраны Вялікай Айчыннай вайны, кіраўніцтва Першамайскага раёна Бішкека і Бішкекскага гарадскога кенеша.
Андрэй Страчко, які выступіў на мітынгу, адзначыў уклад беларускага народа ў Вялікую Перамогу, выказаў словы ўдзячнасці кыргызскім ветэранам Вялікай Айчыннай вайны і працаўнікам тылу, падкрэсліў важнасць захавання гістарычнай памяці аб подзвігу воінаў новым пакаленням. Да абеліска памяці герояў Вялікай Айчыннай вайны ад імя пасольства Беларусі ў Кыргызстане ўскладзена карзіна кветак.