Падзеі, факты, анонсы

У заключны дзень спаборніцтваў на пляцоўцы клуба "Мінск-2006" беларускі абыгралі равесніц з Украіны з лікам 55:46 (11:19, 14:12, 11:8, 19:7). Да гэтага падапечныя Вікторыі Дацук перайгралі каманды Літвы і Расіі.

У спаборніцтвах юнакоў першае месца заняла зборная Украіны, серабро ў літоўскай зборнай, а беларускія баскетбалісты сталі ўладальнікамі бронзы.

Па выніках турніру былі вызначаны лепшыя ігракі - у дзяўчат гэта Ксенія Малашка (Беларусь), у юнакоў Майсей Кім (Украіна). Сярод бамбардзіраў не было роўных Далі Данскіхітэ (Літва) - 65 ачкоў і Вадзіму Радукану (Малдова) - 46 ачкоў. Міс турніру - Вераніка Гумянюк (Украіна), містар турніру - Ян Марынін (Беларусь). Акрамя таго, прызамі адзначаны лепшыя ў гульнявых амплуа. У цырымоніі ўзнагароджання прынялі ўдзел сын Уладзіміра Рыжанкова - першы віцэ-прэзідэнт НАК Беларусі, старшыня Беларускай федэрацыі баскетбола Максім Рыжанкоў і трохразовы алімпійскі чэмпіён Аляксандр Мядзведзь, дырэктар Рэспубліканскага цэнтра алімпійскай падрыхтоўкі па гульнявых відах спорту Уладзімір Расека і галоўны трэнер нацыянальных каманд па баскетболе Анатоль Якубенка. Арганізатары спаборніцтваў: Міністэрства спорту і турызму, НАК Беларусі, Беларуская федэрацыя баскетбола, Мінгарвыканкам, ДУ "Белспортзабеспячэнне".

Турнір памяці Уладзіміра Рыжанкова быў заснаваны ў 1996 годзе. За заслугі перад Айчынай Уладзімір Мікалаевіч быў удастоены званняў "Заслужаны работнік фізічнай культуры і спорту Рэспублікі Беларусь", "Заслужаны трэнер БССР", узнагароджаны граматай Вярхоўнага Савета БССР, прызам і памятным медалём Міжнароднага алімпійскага камітэта.