Падзеі, факты, анонсы

Беларускія барцы выйгралі пяць медалёў на маладзёжным чэмпіянаце свету

Абубакар Хаслаханаў

21 жніўня, Мінск /Кар. БЕЛТА/. У сталіцы Іарданіі Амане завяршыўся маладзёжны чэмпіянат свету па барацьбе, у якім пад нейтральным сцягам прынялі ўдзел беларускія спартсмены, паведамляе карэспандэнт БЕЛТА.

На працягу сямі спаборніцкіх дзён прадстаўнікі нашай каманды заваявалі пяць узнагарод - дзве залатыя, адну сярэбраную і дзве бронзавыя. Другое золата Беларусі ў заключны дзень МЧС прынёс Абубакар Хаслаханаў, які выступае ў вагавой катэгорыі да 97 кг. Па ходзе турніру Хаслаханаў адолеў спартсменаў з Ірана, Расіі і Эстоніі, а ў фінальным паядынку перамог Гора Айвазяна з Грузіі з лікам 8:0.

Раней чэмпіёнкай свету сярод моладзі ў вазе да 55 кг стала беларуска Арына Мартынава. Яе суайчынніца Алеся Гетманава заваявала серабро ў катэгорыі да 59 кг. Бронзавымі медалісткамі сусветнага першынства сталі нашы Ксенія Цярэня (в/к да 65 кг) і Алеся Шаўчук (да 68 кг).

версія для друку

зрабіць стартавай

дабавіць у выбранае