Падзеі, факты, анонсы

12 мая, Мінск /Аляксандр Новікаў - БЕЛТА/. Беларускі Вікторыя Шалаеўская і Вікторыя Сякрэтава стартавалі з дзвюх перамог на маладзёжным чэмпіянаце свету (U-21) па пляжным валейболе, які праходзіць у Люцэрне, паведамляе карэспандэнт БЕЛТА.

Беларускі былі вызвалены ад кваліфікацыі па рэйтынгу і пачалі барацьбу за ўзнагароды з асноўнай сеткі турніру. У групе Е Шалаеўская і Сякрэтава сёння былі мацнейшымі за пару з Сьера-Леонэ - 2:0 (21:9, 21:8). У другой сустрэчы беларускі былі мацнейшымі за каманду з Латвіі - 2:0 (21:13, 21:13). Пасля першага дня спаборніцтваў у Швейцарыі беларускі займаюць першае месца ў групе Е. Заўтра, 13 мая, барацьба на папярэдняй стадыі завершыцца сустрэчай з парай з Аўстрыі Катарынай Хольцэр і Юліяй Радль, якія на сусветным форуме маюць пяты нумар пасеву. Каманда, якая зойме першае месца ў квартэце, адразу ж кваліфікуецца ў 1/8 фіналу чэмпіянату.

Найбольш высокага рэзультату на міжнароднай арэне маладыя беларускія валейбалісткі Вікторыя Шалаеўская і Вікторыя Сякрэтава, якія з'яўляюцца стыпендыятамі Прэзідэнцкага спартыўнага клуба, дабіліся на чэмпіянаце Еўропы U20 у верасні 2015 года ў г.Ларнака, дзе занялі чацвёртае месца.