У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

18 Снж 2018

Беларуская выстаўка "Завуся я толькі Янка Купала" праходзіць у Аргенціне

Беларуская выстаўка
Фота пасольства Беларусі ў Аргенціне

18 снежня, Мінск /Аліна Грышкевіч - БЕЛТА/. Беларуская выстаўка "Завуся я толькі Янка Купала" праходзіць у Аргенціне, паведамілі карэспандэнту БЕЛТА ў пасольстве Беларусі ў Буэнас-Айрэсе.

У рамках святкавання 100-годдзя дыпламатычнай службы Беларусі ў знакавай пратакольнай зале Нацыянальнага кангрэса Аргенціны адбыліся арганізаваныя пасольствам дыпламатычны прыём і цырымонія адкрыцця выстаўкі "Завуся я толькі Янка Купала", у якіх прынялі ўдзел больш за 100 прадстаўнікоў органаў дзяржаўнага кіраўніцтва Аргенціны, дыпламатычнага корпуса і беларускай дыяспары.

У сваім прывітальным выступленні Надзвычайны і Паўнамоцны Пасол Беларусі ў Аргенціне Уладзімір Астапенка падкрэсліў значнасць асобы Янкі Купалы ў фарміраванні беларускай ідэнтычнасці і станаўлення нацыянальнай дзяржавы. Ён таксама працытаваў знакамітыя радкі верша песняра "А хто там ідзе". З прывітальным словам да прысутных звярнулася дырэктар Дзяржаўнага літаратурнага музея Янкі Купалы Алена Ляшковіч, якая адзначыла актуальнасць спадчыны беларускага паэта і шырокае міжнароднае прызнанне яго творчага генія.

У час мерапрыемства прадстаўнікі беларускай дыяспары выканалі песні, прадэкламавалі вершы знакамітага песняра.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс