Падзеі, факты, анонсы

Беларуская цяжкаатлетка Юлія Гуліна ўзяла серабро II Гульняў краін СНД

5 жніўня, Мінск /Кар. БЕЛТА/. Беларуская цяжкаатлетка Юлія Гуліна стала сярэбраным прызёрам II Гульняў краін СНД, паведамляе карэспандэнт БЕЛТА.

У спаборніцтвах вагавой катэгорыі 55 кг беларуска паказала вынік 187 кг (рывок - 87 кг, штуршок - 100 кг). Чэмпіёнкай стала ўзбекская спартсменка Джаміля Панфілава - 190 кг (68 кг+104 кг), бронзавы медаль заваявала расіянка Хрысціна Навіцкая - 185 кг (83 кг+102 кг).

Таксама сёння беларусы заваявалі два бронзавыя медалі - у спаборніцтвах мужчын у вагавой катэгорыі 55 кг трэцім стаў Рыгор Вярцінскі, а ў жанчын на трэцюю прыступку п'едэстала гонару паднялася Паліна Пічугіна (вагавая катэгорыя 45 кг).

Спаборніцтвы ў гродзенскім Лядовым палацы прадоўжацца заўтра, спартсмены разыграюць пяць камплектаў узнагарод. У цяжкаатлетычным турніры II Гульняў краін СНД прымаюць удзел спартсмены з дзевяці краін, спаборніцтвы завершацца 9 жніўня.

версія для друку

зрабіць стартавай

дабавіць у выбранае