Падзеі, факты, анонсы

Беларуская тэнісістка Вікторыя Азаранка заваявала тытул "Вяртанне года"

9 снежня, Мінск /Кар. БЕЛТА/. Беларуская тэнісістка Вікторыя Азаранка стала ўладальніцай узнагароды "Вяртанне года" Жаночай тэніснай асацыяцыі (WTA), паведамляе карэспандэнт БЕЛТА.

У гэтай намінацыі 31-гадовая беларуска абышла Цветану Піронкаву (Балгарыя), Лауру Зігемунд (Германія) і Патрыцыю Марыю Цыг (Румынія). У бягучым годзе экс-першая ракетка планеты Вікторыя Азаранка, якая займае цяпер 13-е месца ў сусветным рэйтынгу, перамагла на турніры ў Нью-Ёрку, а таксама дабіралася да фіналу на US Open і спаборніцтвах у Остраве.

Акрамя таго, Вікторыя Азаранка і яшчэ адна беларуска - дзясяты нумар сусветнага рэйтынгу Арына Сабаленка - былі ў спісе прэтэндэнтак на званне лепшай тэнісісткі планеты. У выніку галасавання прадстаўнікоў сусветных СМІ гэты тытул дастаўся 22-гадовай прадстаўніцы ЗША Сафіі Кенін. Сёлета яна ўпершыню ў кар'еры стала пераможцай турніру серыі "Вялікага шлема", выйграўшы адкрыты чэмпіянат Аўстраліі, а таксама гуляла ў фінале "Ралан Гарос".

У намінацыі "Прагрэс года" перамагла 19-гадовая польская тэнісістка Іга Свёнтак.

версія для друку

зрабіць стартавай

дабавіць у выбранае