Падзеі, факты, анонсы

Беларуская тэнісістка Ірына Шымановіч выйшла ў паўфінал турніру ў Рыа-дэ-Жанэйра

Фота з архiва

2 снежня, Мінск /Кар. БЕЛТА/. Беларуская тэнісістка Ірына Шымановіч стала паўфіналісткай турніру ITF-W60 у бразільскім Рыа-дэ-Жанэйра з прызавым фондам $60 тыс., паведамляе карэспандэнт БЕЛТА.

У чвэрцьфінале беларуска, якая займае 316-е месца ў сусветным рэйтынгу, упэўнена абыграла ў двух сэтах іспанскую тэнісістку Івон Кавалье-Рэймерс, у якой 290-я пазіцыя ў рэйтынгу WTA, - 6:1, 6:3. На шляху да паўфіналу спаборніцтваў у Рыа Ірына Шымановіч таксама абыграла іспанку Розу Вісенс Мас (220-ы нумар сусветнага рэйтынгу) - 6:3, 6:3 і партугальскую тэнісістку Францыску Жоржэ (301) - 5:7, 6:4, 6:3. У паядынку за тое, каб трапіць у фінал, Шымановіч будзе сапернічаць з бразільянкай Лаўрай Пігосі (120). У другім паўфінале сустрэнуцца дзве прадстаўніцы Расіі Ірына Храмачова (237) і Аміна Аншба (489).  

Турнір на адкрытых грунтавых кортах Рыа-дэ-Жанэйра завершыцца 4 снежня.

версія для друку

зрабіць стартавай

дабавіць у выбранае