Падзеі, факты, анонсы

Беларуская тэнісістка Ірына Шымановіч выйшла ў другі круг кваліфікацыі адкрытага чэмпіянату ЗША

Фота freepik.com

23 жніўня, Мінск /Кар. БЕЛТА/. Беларуская тэнісістка Ірына Шымановіч паспяхова стартавала ў кваліфікацыі адкрытага чэмпіянату ЗША, апошняга ў сезоне турніру серыі "Вялікага шлема", паведамляе карэспандэнт БЕЛТА.

У першым раўндзе беларуска, якая займае 162-е месца ў сусветным рэйтынгу, усяго за гадзіну ўпэўнена перамагла румынку Жаклін Крысціян, у якой 100-я пазіцыя, - 6:3, 6:1. Наступнай саперніцай Шымановіч будзе расійская тэнісітка Таццяна Празорава (229-ы нумар рэйтынгу WTA), якая ва ўпартай барацьбе перамагла беларуску Юлію Гатоўка (204) - 6:3, 1:6, 6:0. Сёння яшчэ адна беларуская тэнісістка Вольга Гаварцова згуляе з амерыканкай Валеры Глозман (922). У мужчынскім турніры першым апанентам беларуса Ягора Герасімава (784) будзе японскі тэнісіст Сінтара Мачызукі (202). Каб прабіцца ў асноўную сетку US Open, тэнісістам трэба пераадолець тры кваліфікацыйныя бар'еры.

Без удзелу ў кваліфікацыі выступяць Вікторыя Азаранка, Арына Сабаленка, Аляксандра Сасновіч і Ілья Івашка. Матчы асноўнага этапу пройдуць на адкрытых хардавых кортах Нью-Ёрка з 28 жніўня па 10 верасня. Агульны прызавы фонд US Open-2023 складзе рэкордную суму - $65 млн. Пераможцы ў мужчынскім і жаночым адзіночных разрадах заробяць па $3 млн. У мінулым годзе чэмпіёнамі сталі іспанец Карлас Алькарас і полька Іга Свёнтак.

версія для друку

зрабіць стартавай

дабавіць у выбранае