Падзеі, факты, анонсы

Беларуская тэнісістка Яна Каладынска выйшла ў 1/4 фіналу турніру ў Санта-Дамінга

Яна Каладынска. Фота з архiва

23 чэрвеня, Мінск /Кар. БЕЛТА/. Беларуская тэнісістка Яна Каладынска стала чвэрцьфіналісткай турніру ITF у Санта-Дамінга з прызавым фондам $25 тыс., паведамляе карэспандэнт БЕЛТА.

У паядынку другога раўнда беларуска перамагла амерыканскую тэнісістку Леа Ма - 6:4, 6:2. У першым раўндзе спаборніцтваў у сталіцы Дамініканскай Рэспублікі Яна Каладынска разграміла мексіканку Хімену Сэнціс - 6:0, 6:0, а ў матчы за выхад у паўфінал яе саперніцай будзе калумбійская тэнісістка Марыя Гансалес.

Беларус Іван Лютарэвіч і ўкраінскі тэнісіст Уладзіслаў Манафаў у паўфінале парнага разраду турніру ў польскай Познані сустрэнуцца з чэшска-ўругвайскім тандэмам Адам Паўласек / Арыэль Бехар.

Спаборніцтвы ў Познані фінішуюць заўтра, а турнір у Санта-Дамінга завершыцца 25 чэрвеня. 

версія для друку

зрабіць стартавай

дабавіць у выбранае