Падзеі, факты, анонсы
Беларуская тэнісістка Арына Сабаленка завяршае год на дзясятым месцы сусветнага рэйтынгу
Фота з архiва
29 снежня, Мінск /Кар. БЕЛТА/. Беларуска Арына Сабаленка завяршае 2020 год на дзясятай пазіцыі рэйтынгу Жаночай тэніснай асацыяцыі (WTA), паведамляе карэспандэнт БЕЛТА.
У мінулым сезоне Арына Сабаленка стала пераможцай трох турніраў пад эгідай WTA, у 39 праведзеных паядынках яна атрымала дзесяць перамог. Экс-першы нумар сусветнага рэйтынгу Вікторыя Азаранка цяпер знаходзіцца на 13-м месцы. У 2020 годзе пасля больш як чатырохгадовага перапынку яна выйграла турнір, а таксама двойчы даходзіла да фіналу, у тым ліку на турніры серыі "Вялікага шлема" - US Open і стала ўладальніцай прыза "Вяртанне года". У першую сотню сусветнага рэйтынгу ўваходзіць яшчэ адна беларуска Аляксандра Сасновіч, у якой 90-я пазіцыя, Вольга Гаварцова займае 133-е месца, Вера Лапко знаходзіцца на 293-м радку.
Топ-10 апошняга ў 2020 годзе рэйтынгу WTA:
1. Эшлі Барці (Аўстралія) - 8717 ачкоў,
2. Сімона Халеп (Румынія) - 7255,
3. Наомі Осака (Японія) - 5780,
4. Сафія Кенін (ЗША) - 5760,
5. Эліна Світоліна (Украіна) - 5260,
6. Караліна Плішкава (Чэхія) - 5205,
7. Б'янка Андрэеску (Канада) - 4555,
8. Петра Квітава (Чэхія) - 4516,
9. Кікі Бертэнс (Нідэрланды) - 4505,
10. Арына Сабаленка (Беларусь) - 4220.
У рэйтынгу Асацыяцыі тэнісістаў-прафесіяналаў (АТР) лепшы з беларусаў Ягор Герасімаў займае 78-е месца, беларус Ілья Івашка знаходзіцца на 108-й пазіцыі, Уладзімір Ігнацік на 333-м радку.
Топ-10 рэйтынгу АТР:
1. Новак Джокавіч (Сербія) - 12 030 ачкоў,
2. Рафаэль Надаль (Іспанія) - 9850,
3. Дамінік Цім (Аўстрыя) - 9125,
4. Данііл Мядзведзеў (Расія) - 8470,
5. Роджэр Федэрэр (Швейцарыя) - 6630,
6. Стефанас Цыцыпас (Грэцыя) - 5925,
7. Аляксандр Звераў (Германія) - 5525,
8. Андрэй Рублёў (Расія) - 4119,
9. Дыега Шварцман (Аргенціна) - 3455,
10. Матэа Берэціні (Італія) - 3075.
Новы тэнісны сезон адкрыецца 5 студзеня 2021 года, першы турнір серыі "Вялікага шлема" - адкрыты чэмпіянат Аўстраліі пройдзе з 8 па 21 лютага ў Мельбурне.
версія для друку
зрабіць стартавай
дабавіць у выбранае