Падзеі, факты, анонсы

Беларуская тэнісістка Арына Сабаленка стала пераможцай турніру ў Лінцы

16 лістапада, Мінск /Кар. БЕЛТА/. Беларуская тэнісістка Арына Сабаленка (11-ы нумар сусветнага рэйтынгу) стала пераможцай турніру ў аўстрыйскім Лінцы з прызавым фондам $202 тыс., паведамляе карэспандэнт БЕЛТА.

У першым сэце вырашальнага паядынку з бельгійкай Элізэ Мертэнс (21) беларуска выйграла ва ўпартай барацьбе з лікам 7:5, а ў другой партыі перамагла амаль без праблем - 6:2. Сустрэча прадаўжалася 1 гадзіну 45 хвілін.

На шляху да фіналу Арына Сабаленка па чарзе перамагла італьянскую тэнісістку Ясмін Пааліні (94), швейцарку Штэфані Фегеле (124), прадстаўніцу Францыі Асеан Дадэн (115) і чэшку Барбару Крэйчыкаву (64).

Для Сабаленка мінулы фінал стаў 12-м на прафесійных турнірах пад эгідай WTA. Цяпер у яе актыве восем чэмпіёнскіх тытулаў.

Дзякуючы трыумфу ў Лінцы Арына Сабаленка з панядзелка вярнулася ў першую дзясятку сусветнага рэйтынгу.

версія для друку

зрабіць стартавай

дабавіць у выбранае