4 ліпеня, Мінск /Кар. БЕЛТА/. Беларуска Васіліна Хандошка заваявала залаты медаль на юніёрскім чэмпіянаце Еўропы па сінхронным плаванні ў фінскім Тамперэ, паведамілі карэспандэнту БЕЛТА ў прэс-службе Мінспорту.
Васіліна Хандошка заваявала золата ў абавязковай праграме сола - фігуры. Суддзі ацанілі яе выступленне ў 82,1522 бала.
Другое і трэцяе месцы занялі прадстаўніцы Італіі - Франчэска Зуніна (78,7652), трэцяе - Марта Муру (78,6609).
Чэмпіянат Еўропы па водных відах спорту ў Тамперэ прадоўжыцца выступленнем плыўцоў. У беларускай камандзе найбольш высокія надзеі звязаны з Настассяй Шкурдай, якая заяўлена на турніры ў пяці дысцыплінах.