Падзеі, факты, анонсы

Беларуская плыўчыха Настасся Шкурдай перамагла на "Гульнях Дружбы" ў Казані

Настасся Шкурдай. Фота blrswimming.by

22 ліпеня, Мінск /Кар. БЕЛТА/. У Казані стартаваў І этап міжнародных спаборніцтваў па плаванні "Гульні Дружбы", у якіх прымаюць удзел беларускія спартсмены, паведамляе карэспандэнт БЕЛТА.

У першы спаборніцкі дзень каманда Беларусі заваявала дзве ўзнагароды. На дыстанцыі 200 м на спіне ў дзяўчат перамогу атрымала Настасся Шкурдай, у жаночым фінале на дыстанцыі 50 м брасам трэці рэзультат паказала Аліна Змушко. У вырашальных заплывах праграмы стартавага дня прынялі ўдзел яшчэ два прадстаўнікі нашай краіны. Ілья Шымановіч стаў 5-м на дыстанцыі 200 м брасам, Рыгор Пякарскі заняў 6-е месца ў фінале на 50 м батэрфляем.

Сёння на "Гульнях Дружбы" ў Казані будуць разыграны 7 камплектаў медалёў. Удзел у спаборніцтвах прымаюць 27 беларускіх спартсменаў, усяго на турнір заявіліся больш за 700 плыўцоў з 13 краін.

версія для друку

зрабіць стартавай

дабавіць у выбранае