5 жніўня, Мінск /Кар. БЕЛТА/. Беларуская грацыя Аліна Гарнасько стала ўладальніцай серабра ў мнагабор'і на II Гульнях краін СНД, паведамляе карэспандэнт БЕЛТА.
У суме шматбор'я лідар беларускай зборнай па мастацкай гімнастыцы набрала 105,850 бала. Чэмпіёнкай стала расіянка Лала Крамарэнка (108,050), яе суайчынніца Ганна Папова заваявала бронзу (100,250). Яшчэ адна беларуская гімнастка Лізавета Зоркіна спынілася за крок ад п'едэстала, заняўшы чацвёртае месца (97,750).
Таксама сёння юніёрская зборная Беларусі перамагла ў групавых практыкаваннях. Серабро заваявала каманда Расіі, бронза ў актыве зборнай Азербайджана.
Заўтра спаборніцтвы ў мінскім Палацы мастацкай гімнастыкі прадоўжацца, усяго грацыі разыгрываюць дзевяць камплектаў узнагарод.