Падзеі, факты, анонсы

Беларуская гімнастка Настасся Салас узяла серабро на турніры ў Сочы

Настасся Салас. Фота з архiва

5 снежня, Мінск /Кар. БЕЛТА/. Беларуская спартсменка Настасся Салас заваявала сярэбраны медаль у мнагабор'і на турніры па мастацкай гімнастыцы "Нябесная грацыя" ў Сочы, паведамляе карэспандэнт БЕЛТА.

Прадстаўніца Беларусі зарабіла другую суму балаў - 191,15, уступіўшы толькі пераможцы расіянцы Лале Крамарэнка, у якой 206,80 бала.

Першы турнір "Нябесная грацыя" адбыўся год таму ў Маскве. Тады лепшай таксама была Лала Крамарэнка, другой была Ганна Каменшчыкава з Беларусі, трэцяй стала прадстаўніца Грузіі Кетэван Арбалішвілі.

Гэтыя спаборніцтвы праводзяцца па ініцыятыве алімпійскай чэмпіёнкі па мастацкай гімнастыцы Аліны Кабаевай. Іх галоўная мэта - папулярызацыя такога прыгожага віду спорту.

версія для друку

зрабіць стартавай

дабавіць у выбранае