25 мая, Мінск /Кар. БЕЛТА/.
Беларуская спартсменка Аліна Талай 24 мая стала пераможцай прэстыжнага турніру з серыі Сусветнага выкліку (IAAF World Challenge Meetings), этап якога прайшоў у Хенгела (Нідэрланды), на дыстанцыі 100 м з бар'ерамі. Аб гэтым БЕЛТА паведамілі ў Беларускай федэрацыі лёгкай атлетыкі (БФЛА).Беларуска паказала лепшы час сярод усіх удзельніц забегу -
12,70 сек. Паказаны рэзультат стаў новым асабістым рэкордам спартсменкі на гэтай дыстанцыі. Папярэдняе дасягненне яна палепшыла на адну сотую секунды. Цікава, што старт у Хенгела быў для Аліны Талай першым у бягучым летнім сезоне.На гэтым жа этапе Сусветнага выкліку выступала яшчэ адна беларуская бягуха Святлана Кудзеліч. На дыстанцыі
3000 м яна фінішавала 6-й (час - 8 мін 46,83 сек), таксама ўстанавіўшы новы асабісты рэкорд. Лепшы рэзультат паказала кенійская спартсменка Ірэн Джэлагат (8 мін 36,90 сек), ад якой Кудзеліч адстала амаль на 10 сек.Пераможцамі турніру ў іншых бегавых дысцыплінах у жанчын сталі галандка Дафна Шыперс на дыстанцыі 100 м (10,94 сек), украінка Вольга Зямляк на 400 м (52,13 сек), галандка Сіфан Хасан на 1000 м (2 мін 34,68 сек). У сектары для скачкоў з шастом не было роўных грачанцы Нікалеце Кірыякопалу (4 м 60 см). Сярод скакух у даўжыню лепшай стала Састэн Магуенара-Тарум (6 м 77 см) з Германіі. Спаборніцтвы ў кіданні дыска выйграла кубінка Дэні Кабалера (65 м 46 см).