Падзеі, факты, анонсы

Беларуска Дар'я Чупрыс узяла бронзу ў стральбе з малакалібернай вінтоўкі на ІІ Гульнях краін СНД

9 жніўня, Мінск /Кар. БЕЛТА/. У спартыўна-стралковым комплексе імя Цімашэнкі прадаўжаюцца спаборніцтвы па кулявой стральбе ў рамках ІІ Гульняў краін СНД, паведамляе карэспандэнт БЕЛТА.

У сераду юніёркі разыгралі ўзнагароды індывідуальнага турніру ў стральбе з малакалібернай вінтоўкі з трох становішчаў, у васьмёрку фіналістак трапілі адразу чатыры прадстаўніцы Беларусі. Лепшы вынік сярод нашых спартсменак паказала Дар'я Чупрыс, якая набрала 447,1 бала, чаго ў выніку хапіла для заваявання бронзавага медаля. Аліна Белая заняла 5-е месца, Лізавета Цыдзік стала 6-й, Ніколь Курылёнак - 7-я. Перамогу атрымала расіянка Аліна Хізбуліна, серабро - у яе сяброўкі па зборнай Настассі Мураўёвай.

Раней у гэтай жа дысцыпліне адбылося каманднае першынство, па выніках якога залатыя медалі выйгралі нашы Дар'я Чупрыс, Лізавета Цыдзік і Ніколь Курылёнак. У 15.15 у фінальны цір выйдуць юніёры, якія вызначаць мацнейшых у стральбе з малакалібернага пісталета на дыстанцыі 25 метраў.

версія для друку

зрабіць стартавай

дабавіць у выбранае