Падзеі, факты, анонсы

Беларускі выйгралі золата маладзёжнага чэмпіянату свету ў каноэ-чацвёрцы

Фота з архiва

27 ліпеня, Мінск /Кар. БЕЛТА/. Беларускія канаісткі сталі пераможцамі чэмпіянату свету па веславанні на байдарках і каноэ сярод юніёраў і моладзі, што праходзіць у Партугаліі, паведамляе карэспандэнт БЕЛТА.

Удзел у фінале каноэ-чацвёрак на 500-метроўцы сярод дзяўчат да 23 гадоў прынялі экіпажы з дзевяці краін. Лепшы рэзультат паказаў беларускі квартэт у складзе Кацярыны Семянцовай, Іны Нядзелькінай, Евы Данільчук і Ганны Налецька - нашы спартсменкі пераадолелі дыстанцыю за 1 мін. 54,74 сек. і амаль на секунду апярэдзілі венгерак, якія сталі другімі. Тройку замкнулі прадстаўніцы Узбекістана.

Таксама 27 ліпеня нашы Глеб Чабатароў і Даніла Верашчака (U23) сталі чацвёртымі ў фінале каноэ-двоек на 500-метроўцы, да бронзавых узнагарод беларусам не хапіла 12 сотых секунды.

версія для друку

зрабіць стартавай

дабавіць у выбранае