Падзеі, факты, анонсы

Беларускі тэнісіст Ілья Івашка выйшаў у 1/8 фіналу турніру ў Мюнхене

27 красавіка, Мінск /Кар. БЕЛТА/. Беларускі тэнісіст Ілья Івашка (44-ы нумар сусветнага рэйтынгу) пераможна стартаваў на турніры катэгорыі АТР-250 у нямецкім Мюнхене з прызавым фондам 534,5 тыс. еўра, паведамляе карэспандэнт БЕЛТА.  

26 красавіка ў 1/16 фіналу беларус за дзве з палавінай гадзіны адолеў у трохсэтавым паядынку амерыканскага тэнісіста Маккензі Макдональда (51) - 6:4, 3:6, 6:3. У паядынку за выхад у чвэрцьфінал сапернікам Ільі Івашкі будзе грузінскі тэнісіст Нікалаз Басілашвілі (20).

Яшчэ адзін беларускі тэнісіст Ягор Герасімаў (150) у першым раўндзе сустрэнецца з аўстралійцам Джонам Мілманам (79). Герасімаў прабіўся ў асноўную сетку гэтых спаборніцтваў праз кваліфікацыю, перамогшы аргенцінца Франсіска Чэрундала і бразільца Цьяга Мантэйра. 

У першым кваліфікацыйным крузе жаночага турніру ў Мадрыдзе з прызавым фондам $6,5 млн чарнагорская тэнісістка Данка Ковініч (114) 26 красавіка абыграла беларуску Аляксандру Сасновіч (50) - 4:6, 2:6.

Турнір на грунтавых кортах Мюнхена завершыцца 1 мая.

версія для друку

зрабіць стартавай

дабавіць у выбранае