Падзеі, факты, анонсы

Беларускі тэнісіст Ілья Івашка падняўся на 13 пазіцый у рэйтынгу АТР

Фота з архiва

29 мая, Мінск /Кар. БЕЛТА/. Беларус Ілья Івашка падняўся на 13 пазіцый у абноўленым 29 мая рэйтынгу Асацыяцыі тэнісістаў-прафесіяналаў, паведамляе карэспандэнт БЕЛТА.

Тыдзень таму Івашка займаў 86-е месца, а пасля выхаду ў чвэрцьфінал турніру ў Жэневе перамясціўся на 73-і радок, маючы 741 ачко. Сёння Ілья Івашка выйдзе на старт адкрытага чэмпіянату Францыі ў Парыжы, дзе яго апанентам будзе аўстралійскі тэнісіст Алекс Дэ Мінаур, які займае 19-е месца ў сусветным рэйтынгу.

У жаночым адзіночным разрадзе French Open тры беларускі правялі ўжо свае першыя паядынкі. Другая ракетка планеты Арына Сабаленка перамагла ўкраінку Марту Касцюк (39) - 6:3, 6:2 і ў 1/32 фіналу згуляе з яшчэ адной беларускай тэнісісткай Ірынай Шымановіч (214), якая ўзяла верх над венгеркай Паннай Удвардзі (97) - 6:7 (6:8), 6:3, 6:1. Аляксандра Сасновіч (51) нечакана прайграла дацкай тэнісістцы Клары Таўсан (127) - 2:6, 0:6. Заўтра на корты "Ралан Гарос" выйдзе Вікторыя Азаранка (18), якая ў 1/64 фіналу сустрэнецца з прадстаўніцай Канады Б'янкай Андрэеску (42).

версія для друку

зрабіць стартавай

дабавіць у выбранае