Падзеі, факты, анонсы

Беларускі Гнедчык і Арол сталі чэмпіёнкамі свету па пяцібор'і ў эстафеце

Фота Мінспорту

24 жніўня, Мінск /Кар. БЕЛТА/. Беларускія спартсменкі атрымалі перамогу ў стартавы дзень чэмпіянату свету па сучасным пяцібор'і 2026 года ў Кітаі, паведамляе карэспандэнт БЕЛТА.

Першым відам праграмы планетарнага форуму стала жаночая эстафета, у якой выступілі дуэты з 14 краін. Беларусь прадставілі Марыя Гнедчык і Настасся Арол. Пасля трох дысцыплін (фехтавання, паласы перашкод і плавання) нашы дзяўчаты ішлі другімі, на 17 секунд адстаючы ад егіпцянак, але на дыстанцыі лазер-рана адыгралі адставанне і фінішавалі з адрывам ад саперніц амаль на паўмінуты.

Гнедчык і Арол заваявалі золата чэмпіянату свету ўпершыню ў кар'еры, раней у жніўні беларускі былі прызёрамі чэмпіянату Еўропы. Серабро ў эстафеце ўзялі расіянкі Вікторыя Сазонава і Яна Салаўёва, а пара з Егіпта, якая лідзіравала, замкнула тройку. Далей у Кітаі будуць разыграны медалі ў мужчынскай і змешанай эстафетах, фіналы ў індывідуальным заліку адбудуцца 30 жніўня.

версія для друку

зрабіць стартавай

дабавіць у выбранае