У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

30 Стд 2017

Беларускі барэц Іван Янкоўскі стаў пераможцам міжнароднага турніру ў Парыжы

30 студзеня, Мінск /Кар. БЕЛТА/. Беларускі барэц вольнага стылю Іван Янкоўскі стаў пераможцам міжнароднага турніру ў Парыжы, заваяваўшы залаты медаль у катэгорыі да 97 кг, паведамляе карэспандэнт БЕЛТА.

У ходзе спаборніцтваў беларускі атлет у 1/4 фіналу быў мацнейшы за італьянца Сімоне Інатоні, у сустрэчы за выхад у фінал Іван Янкоўскі адолеў Джардана Набле з Францыі. У вырашальным паядынку беларус упэўнена перамог саперніка з ЗША Натана Бурака.

Сярэбранай узнагароды ў турніры сярод жанчын у Парыжы ўдастоілася Надзея Шушко (55 кг), якая ў фінале ўступіла Рамоне Галамбош з Венгрыі. У гэтай жа вагавой катэгорыі ў паядынку за бронзу другая прадстаўніца беларускай каманды Заліна Сідакова прайграла францужанцы Эмілі Дуфур.

Бронзавыя ўзнагароды ў Парыжы ў складзе зборнай Беларусі заваявалі барцы-вольнікі Дзімчык Рынчынаў (57 кг), Раман Чытадзэ (86 кг), Віталь Пясняк (125 кг), Віялета Чырык (48 кг), Ванэса Каладзінская (53 кг) і Юлія Пісарэнка (58 кг).

Бліжэйшым важным стартам будзе чэмпіянат Беларусі па вольнай барацьбе, які пройдзе 12 лютага ў мінскім Палацы спорту.

Міжнародны турнір у сталіцы Францыі з'яўляецца важным этапам падрыхтоўкі нацыянальнай каманды да чэмпіянату Еўропы, які пройдзе 2-7 мая ў сербскім Нові-Садзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс